تورکیه‌دن دوخا تورکلرینه یاردیم الی

تورک امکداش‌لیق و کووردیناسیون آژانسی باشقانی سردار چام، موغولستانین اوج نقطه‌سینده یاشایان دوخا تورک‌لری‌نین چتین قیش شرط‌لرینده حیات مباریزه‌سی وئردیگینی اؤیرندیک‌لرینی و بونون اوزرینه بیر چالیشما باشلاتدیقلارینی آنلاتدی

تورکیه‌دن دوخا تورکلرینه یاردیم الی
Posted 06.03.2013 14:00:13 UTC
Updated 06.03.2013 14:00:13 UTC

دونیانین ان اوج نقطه‌سین‌دکی دوخا تورکلرینه رئن مارالی گؤندریله‌جک.

تورک امکداش‌لیق و کووردیناسیون آژانسی باشقان‌لیغی (تیکا) باشقانی سردار چام، موغولستانین اوج نقطه‌سینده یاشایان دوخا تورک‌لری‌نین چتین قیش شرط‌لرینده حیات مباریزه‌سی وئردیگینی اؤیرندیک‌لرینی و بونون اوزرینه بیر چالیشما باشلاتدیقلارینی آنلاتدی.

چادیرلاردا قالان، اکینچی‌لیک و حیواندارلیقلا مشغول اولان دوخا تورکلرینه گئییم و مختلیف کؤمک وسایت‌لری گؤندردیک‌لرینی ایفاده ائدن چام، بئله دانیشدی:

"‌دونیانین ان اوج نقطه‌لرین‌دن بیری‌... کؤمک‌لریمیز، دوندوروجو سویوق‌لاردان، ۸ متر درینلیگینده، ٦۰ کیلومتر اوزونلوغون‌داکی دونموش گؤلو گئچه‌رک اورایا چاتدی. دوخا تورک‌لری‌نین مؤوجود طبیعت شرط‌لرینده داها گوج‌لو اولما‌لاری اوچون یاز دؤورونده، اونلار اوچون، حیات‌لاریندا اهمیت‌لی بیر یئر توتان رئن گئییگی(مارالی) تامین ائدجییک. رئن مارال‌لاری، اولاشیم کیمی داشیماچیلیق کیمی بیر چوخ ساحه‌ده دوخا تورک‌لری‌نین گونده‌لیک حیاتینی آسانلاشدیریر. چتین طبیعت شرط‌لرینه قارشی رئن مارالی اؤنم‌لی". دوخا تورک‌لری‌نین یاشادیغی بؤلگه‌ده رئن مارالی یئتیشمه‌دیگینی ده ایفاده ائدن چام، "فرق‌لی بیر جغرافیا‌دان تامین ائدجییک. دونیانین ان اوج نقطه‌سین‌دکی قارداش‌لاریمیزا، سویداش‌لاریمیزا چاتیلماسی نقطه‌سینده دؤولتیمیزین، حکومتیمیزین بیزه وئردیگی تعلیمات‌لار چرچیوه‌سینده پروسسی تعقیب ائدیریک. اونلارا قدر اولاشان بیر تورکیه وار" دئدی.